Papalapit ng isla ng Catanduanes ang Severe Tropical Storm Ulysses.
Huling namataan ang bagyo sa layong 215 kilometers Silangan – Hilagang Silangan ng Virac, Catanduanes.
Bahagyang lumakas ito na may dalang hanging nasa 100 kilometers per hour at pagbusong nasa 125 km/hr.
Kumikilos ito sa bilis na 20 km/hr. sa direksyong pa-kanluran.
Nakataas na ang Tropical Cyclone Warning Signals sa sumusunod na lugar:
SIGNAL NUMBER 2:
Katimugang bahagi ng Nueva Vizcaya
Katimugang bahagi ng Quirino
Gitna at Katimugang bahagi ng Aurora
Gitna at Silangang bahagi ng Nueva Ecija
Silangang bahagi ng Pampanga
Bulacan
Metro Manila
Rizal
Laguna
Cavite
Batangas
Quezon (kasama ang Polillo Islands)
Marinduque,
Hilagang bahagi ng Oriental Mindoro
Camarines Norte
Camarines Sur
Catanduanes
Albay
Sorsogon
Ticao Island
Burias Island
SIGNAL NUMBER 1:
Isabela
Natitirang bahagi ng Quirino
Natitirang bahagi ng Nueva Vizcaya
Kalinga
Mountain Province
Ifugao
Benguet
Abra
Ilocos Sur
La Union
Pangasinan
Natitirang bahagi ng Aurora
Natitirang bahagi ng Nueva Ecija
Tarlac
Zambales
Bataan
Natitirang bahagi ng Pampanga
Occidental Mindoro (kabilang ang Lubang Island)
Natitirang bahagi ng Oriental Mindoro
Romblon
Natitirang bahagi ng Masbate
Northern Samar
Hilagang bahagi ng Samar
Hilagang bahagi ng Eastern Samar
Ayon sa DOST-PAGASA, inaasahang tatawid ito ng Catanduanes ngayong umaga hanggang hapon, at sa hilagang bahagi ng Camarines Sur at Camarines Norte sa hapon hanggang sa gabi.
Ang sentro ng bagyo ay dadaan ng Calaguas Islands mamayang hapon hanggang sa gabi at magla-landfall sa Polillo Islands at mainland Quezon sa pagitan ng gabi hanggang bukas ng umaga.
Mataas ang tiyansang umabot ito sa Typhoon Category sa susunod na 12 hanggang 24 oras pero hihina ito kapag tumama na ito ng kalupaan ng Luzon lalo na sa bulubundukin ng Sierra Madre.
Asahan ang katamtaman hanggang sa malalakas na pag-ulan sa Catanduanes, Camarines Norte, Camarines Sur, Albay, Sorsogon, katimugang bahagi ng Quezon at Northern Samar.
May mahihina hanggang paminsan-minsang malalakas na pag-ulan sa Aurora, natitirang bahagi ng Quezon kabilang ang Polillo Islands, Marinduque, Romblon at natitirang bahagi ng Bicol Region at Visayas.
Ngayong umaga hanggang mamayang gabi, asahan na rin ang mga pag-ulan sa Cagayan, Isabela, Nueva Ecija, Bulacan, Metro Manila at natitirang bahagi ng CALABARZON at Bicol Region.
Nagbabala rin ang PAGASA ng storm surge o daluyong na aabot ng hanggang tatlong metrong taas sa mga baybayin ng Quezon kasama ang Polillo Islands, Camarines Norte, Catanduanes at Camarines Sur.
