Kalibo, Aklan — Natigayon nga maaresto it Libacao PNP ag Kalibo PNP rong daywa ka mga akusado bangud sa kasong serious physical injury kaina it hapon sa banwa it Kalibo.
Nakilaea rong mga akusado nga sanday Jess Turnino Zaulda, 23-anyos, residente it Poblacion Libacao ag stockman it Fus Merchandise ag si Roniel Alvarez Dalida, 30-ayos, taga Oyo Torong, Kalibo ag naga trabaho man sa nasambit nga establisyemento bilang area head.
Gin aresto rong daywa pinaagi sa bisa kung warrant of arrest nga may Criminal Case No. C-25-19 nga gin issue ni Hon. Joan Marie B. Bargas-Betita, Presiding Judge, MCTC 3 Malinao-Lezo-Numancia.
Nagtaeana rong korte it P18,000 pesos nga pyansa kada isaea para sa andang temporaryong kahilwayan.
Sa makaron hay ginkustodiya anay it Libacao PNP rong daywa para iga turn-over sa korteng natungdan.
