Kalibo, Aklan — Gina obserbahan makaron sa Intensive Care Unit it Aklan Provincial Hospital rong sangka eaeaki matapos nga madisgrasya sa anang ginasakyang motorsiklo kabii sa Brgy. Feliciano, Balete, Aklan.
Nakilaea rong biktima kay Ernesto de Felix, 52-anyos ag residente it Poblacion, Balete ag nakaangkon it lastro sa waea nga parte it anang ueo.
Suno sa bantay it biktima nga kabii naghalin raya sa andang baeay ag nag-adto sa Bangbang para kunta nga magbuoe it eanot pero sa ana karang pagpabalik ag pag abot sa lugar hay may gulpi nga tumabok nga ayam ag bangud sa anang paglikaw imaw ra natumba.
Nalipong rong biktima matapos nga matumba ag mabuhay pa bago hatabangan ay uwa eagi hapan uhi ag gindaea sa hospital.
Facebook Comments
