Barangay execs gihagit manerbisyo

7

Davao City – Gihagit karon sa usaka beteranang Davao City 1st District Councilor ang mga bag-ong nahimong barangay officials nga tumanon ang ilang mga gisaad sa katawhan sa ilang lugar panahon sa kampanya aron lamang i-boto.

Sumala ni City Councilor Pilar Braga, tumong sa ilang pagpapili mao ang pagserbisyo sa ilang Barangay.

Usa sa gisugyot ni Braga mao ang pagpakgang sa gangsterism, pag-atiman sa maayong panglawas (health) ug drainage concerns aron malikayan ang mga pagbaha sa ilang lugar panahon sa ulan.

Giklaro pa ni Braga nga dili lamang tulo ang mga suliran nga angayang hatagan ug pagtagad sa mga bag-ong opisyales apan tanan tungod kay mao kini ilang obligasyon: Ang pagserbisyo sa katawhan sa ilang barangay.

Nanawagan usab si Braga sa mga barangay officials nga makigtambayayong sa mga local officials sa syudad alang sa implementasyon sa mga proyekto, programa ug serbisyo diha sa kabarangayan alang sa tagsa-tagsa ka mga barangay.

RadyoMaN Bernard Pantallon

Facebook Comments