Barangay Kagawad sang Bakhaw, Mandurriao , dakop sa buy bust operation

211

Dakop sa buy bust operation si Barangay kagawad Virgilio Soledad alyas Viriong, 59 anyos sang barangay Bakhaw, Mandurriao.

Ginhiwat sang City Drug Enforcement Unit ang buy bust operation mga alas 7:50 kagab-i kn sa diin nabaklan ang subject sang isa ka sachet sang suspected shabu kag narecover pa gid sa iya posisyon ang 7 pa ka sachet sang ginapatihan shabu.

Ginpanginwala naman ni Kagawad Soledad nga nagabaligya siya sang ilegal nga druga kag gin-alegar nga gintamnan lamang siya sang ebedensya.

Suno sa iya nga isa siya sa mga barangay officials nga mabaskog nga nagakampanya kontra druga kabangdanan nga nakibot siya sa natabu.

una diri, nagpa-blotter sa Mandurriao Police Station si Soledad matapos nahibaluan niya nga yara siya kuno sa listahan sang mga drug personality sa ia barangay.

Facebook Comments