Bakanti na ang posisyon sa SK Federation President dinhi sa dakbayan sa Butuan human nagdesisyon si SK Chairman Wen Cok Lim Chiang nga mokanaug sa katungdanan isip SK Federation President.
Gikompirma ni SK Chairperson Panpan Nietes, sa Brgy. Libertad ang pag-resign ni SK President Chiang ug nahimung epektibo niadtong Nobyembre 15, 2019 base sa pagtugot sa City Interior and Local Government sa Butuan.
Aminado si Nietes nga kinahanglan ug re-organization ang Sangguniang Kabataan (SK) sa Butuan tungod kay una na usab siya’g nag-resign isip Vice President sa Federation sa nakalabay’ng tuig maong dili ma-apply ang succession sa pag-resign usab karon ni SK Chairman Chiang.
Subay niini, giangkon ni Nietes nga interesado siya nga mahimung SK Federation President ug naghulat siya sa mando sa DILG alang sa pagpahigayong ug eleksyon.
Wala pa masayri ang hinungdan sa pag-resign ni SK Chairman Chiang apan unang migawas nga balita nga matud pa gitanyagan kini ug P250,000 nga sweldo ni Mayor Ronnievic Lagnada aron motrabaho sa Equiparco Construction sanglit usa man kini ka Civil Engineer (with report archer capadeso/ivy falcone).
photo grabbed from nietes fb [image: panpan.jpg]
