Byudo gitigbas patay

20
Lakewood, Zamboanga del Sur – Patay ang usa ka byudo human gitigbas sa nilabay’ng gabii bandang alas 9:45 ang takna June 19, 2022 sa Purok 3, Barangay Gatub, Lakewood, Zamboanga del Sur.
Ang biktima naila nga si Esprejon Borongan Beserel, 55-anyos, byudo, mag-uuma ug residente sa nahisgutang lugar samtang ang suspek giilang Edgardo Denopol Beserel, 31-anyos, ulitawo, residente sa Maramag, Bukidnon, Misamis Oriental.
Sumala sa report nga nahipos gikan sa Lakewood Municipal Police Station, nasayran nga naglingkod ang biktima sa bangko nga kahoy sulod sa balay sa iyang sa dihang nisulod ang akusado dayon tigbas sa biktima sa nakadaghang higayon nga gikamatay niini.
Dali nga misibat ang suspek padulong sa Biswangan, sakop sa maong lungsod samtang patay’ng lawas gihaya sa Gamalinda Funeral Homes ug giandam na sa kapulisan ang pagpasaka og kaso ngadto sa korte.
Facebook Comments