Un desbrunao cadaver el ya fuede engcontra lutao ayer aga el mga residentes del Barangay Tumalutab na Isla de Sacol en este ciudad.
Na report del Culianan Police Station ta aparece cay banda 11:55am del ayer, ya fuede descuvri el cuantos fescador residentes del tal isla con el cadaver lutao y desbrunao na la mar. Con el muerto ya carga el mga vivientes para na mismo isla y ya fuede sila identifica coneste como si Ruben Muhalid y Emamel,19, soltero y residente de Purok 7, Barangay Arena Blanco.
Ta aparece na imbestogasyon del policia que del Setyembre 23, el victima,junto con tres otro pa mga compañero identificao como canda Musal Gani, Jamal Mangabong y Jojo Dayday, todo residentes del mismo lugar ya anda fesca usando el illegal manera de compressor na la mar del isla de Tumalutab, sin embargo, mientras talya asegun abajo agua con fesador si Muhalid, ya queda malo el compressor rason para mas sumi el victima pa-abajo del agua na la mar y desfues pa del syete diaz coneste antes ya engcontra cuando ya man lutao ya este. Con el cadaver de Muhalid ya entera insiguidas ayer siguiendo el tradisyon del mga Muslim. *– Bhong Simbajon/RMN News*
