Davao City – Magpahigayon karong Mayo 28, 2018 og Orientation Caravan ang Commission on Higher Education (CHED-XI) sulod sa University of Southeastern Philippines (USEP-Obrero) gymnasium alang sa mga pioneering K-12 graduates nga gusto magpadayon sa kolehiyo.
Kini ang gipamahayag ni CHED Regional Director Dr. Raul Alvarez atol sa ekslusibong pakighinabi kaniya diin iyang gitataw nga subay kini sa implementasyon sa RA 10931 kun universal access to quality tertiary education nga mag sugod karong tuiga ngadto sa mga State Universities ug Local Colleges.
Sumala ni Alvarez, gi-endorsohan na og national certificates ang K-12 graduates aron pwede nang makapanarbaho.
“We expect at one point in time, ang mga industry o opisina nga gi-immenrse ang mga studyante, they have prepared these students. Pero daghan sa ilaha mag proceed gyod sa college, ” segun niini.
Gani giawhag sa Regional Director sa CHED ang mga interesado nga mangapply og scholarship gumikan abli ang buhatan sa Student Financial Assistant Commission aron mu-akomodar.
“We will cater to you and make sure nga i-spread nato sa kinatibuk-ang rehiyon ang atoang scholarship slots for 2018 and 2019 scholarships,” dugang niini.
Sumala pa, aduna nay mga tunghaan sa kolehiyo nga mga magtanyag og libreng edukasyon sama sa Compostela Valley State College, Davao Del Norte State College, Davao Oriental State College of Science and Technology, Southern Philippines Agri-Business and Marine and Aquatic School of Technology, University of Southeastern Philippines, Kapalong College of Agriculture, Sciences and Technology (KCAST), Governor Generoso College of Arts, Sciences and Technology (GGCAST), Monkayo College of Arts, sciences and Technology, ug Kolehiyo ng Pantukan (KNP).
RadyoMaN Jason Amisola
