Walay laing motibo nga nakita ang militar sa gihimong pag-pagsunog sa mga rebelding NPA sa usa ka trailer truck nga kargado ug tinibok Lubi, kung dili extortion kung Pagpangilkil lamang.
Kini ang pamahayag ni Lt. Colonel Glenn Joy Aynera, Battalion Commander sa 29th IB sa Philippine Army human nasayri nga miabot sa mokapin P 3 million ang damyos sa pagpangsunod, nahitabo sabado sa hapon sa Barangay Cuyago, Jabonga, Agusan del Norte.
Nanawagan ang opisyal nga hunungan na ang pagpangilkil gumikan kay mga sibilyan ang apektado.
“Sunugon gyud sa NPA ang mga trailer trucks kung pakyas nga makahatag sa extortion money ang tag-iya sa mga dagkung kompanya”, dasun pa ni Colonel Aynera
Karga sa mga trailer truck ang mga bunga sa lubi nga dalhun sa usa ka planta nga gipanag-iyahan sa FIESTA Brand Products nga nahimutang sa Medina, Misamis Oriental.
SUMMARY: Lt. Colonel Aynera of the 29th IB Philippine Army told the public that the recent attack of the NPA in Cuyago Agusan del Norte was all about extortion. He called on the NPA to stop the harassment and stop asking money from big companies.
