Gitin-aw sa Commission on Election kon Comelec nga adunay katungod ang mga barangay opisyal nga subling magpapili sa Barangay ug SK elections taliwala paman nga kung gidudahan kining nalambigit sa ilegal nga droga.
Sa interview sa RMN ngadto kang Atty. Chubasco CaiƱa, ang city election officer sa Malaybalay gibutyag niini nga nga mahimong magpapili ang bisan kinsa kung dili pa konbiktado sa usa ka salaod.
Matud niya nga dili nilang pwede i-disqualified ang gustong mudagan kung anaa man ugaling sa listahan.
Pasabot niini nga kinahanglan nga mapasakahan ug kaso ug pag-makonbikto una ayha pa kini ma-disqualified.
Sigun ni Atty. CaiƱa nga ministerial sila, kung adunay mureklamo lahi na usab kini nga proseso.
Samtang sa interview sa RMN ngadto kang Barangay Kapitan Rodrigo Timones, ang Brgy. 9 ning siyudad gibutyag niini nga uyon siya sa hagit nga isapubliko ang mga pangalan sa mga narco politics sa barangay aron masayran sa publiko.
Samtang sa managbulag nga interview sa RMN ngadto kang John Romy Echeveria, ang provincial office sa Philippine Drug Enforcement Agency kon PDEA Region 10 gibutyag niini nga uyon siya sa pagsapubliko sa narcolist kung kini balido nga taho tungod kay posibleng pulitika lang usab ug pagpangdaut sa pikas partido.
