Comerciante de puerco muerto na tiroteo

Muerto el un comerciante de puerco mientras su compañero irido despues canila ya rega de bala na Sitio Texas na Licomo ayer antede escuricia.
Con el muerto ya conose como si Jimmy Huesca y Carpio, 32, soltero, de Lower Tungawan mientras el irido amo si Bryan Asunio y Santo Tomas, 19 de Guilinan, Tungawan.
Si Huesca dead on arrival cuando ya llega na hospital mientras si Asunio irido y yan confined na hospital.
Asegun na investigacion, estaba canda Huesca y si Asunio entrega puerco con el diila parroquiano na Vitali muntao na tricycle ta maneha si Jerry Timpangco y Alvarez, 52, y de llegar na Sitio Texas, na Licomo tiene ya lang dos persona ta usa jacket con full face helmet ya ataha canila y ya rega de bala canila.
Ya escapa el maga criminal despues del incidente.
Maga pulis ya recobri capsula y punta del bala del 45 calibre na lugar del incidente.