Boracay — Patay rong sangka construction worker matapos nga bun-on ko ana man nga kaibahang construction worker sa Brgy. Balabag, Boracay, Malay, Aklan.
Ro biktima nakilaea kay Rodel Villamor, 42-anyos ag taga Tablas Romblon nga nakaangkon it fatal nga lastro sa waea nga dughan.
Samtang rong suspek nakilaea kay Eldi Abenasa, 29-anyos ag taga San Fernando, Masbate.
Sa report it Boracay Tourist Assistance Center nga kahapon magkaibahan man ro bikitma ag suspek kamana man andang mga kaibahan nga nag inuman sa guwa ko andang barracks.
Samtang naga inuman hay may una nga nagpatunga nga diskusyon sa biktima ag suspek nga ko ulihi nagkainitan.
Bangud sa natabo nagsueod eon lang sa barracks si Villamor, pero nakibot eamang ro andang mga kaibahan tag imaw ra suminggit nga binuno imaw ni Eldi ag nagapangayo it bulig.
Insigida nga gindaea sa sangka klinika ro biktima pero uwa gid matabangi samtang rong suspek hay eagi man nga naaresto it mga kapulisan ag magapangatubang it nagakaigong kaso.
