Padayong nagpa alim sa iyang samad ang usa ka lalaki human kini gidunggab sa mismo niining igsuon alas 8 kapin kun kulang ang takna niadtong miaging gabie.
Biktima nailang si AldeMar de Grasya, 30 anyos, single, usa ka construction worker, ug nagpuyo sa Dela Paz Linamon, Lanao del Norte.
Sumala sa inahan nga nahinabi sa RMN Iligan, nga nag lalis ang maong magsuon gikan sa bulangan, ug anaa sa impluwensya sa ilimnong makahubog.
Ang panaglalis misangko sa panag-away diin mikuha ug kutsilyo ang suspetsadong si Vincent De Grasya, ug gidunggab ang maong biktima.
Nakabaton ug samad dinunggaban sa likod nga bahin ang biktima ug daling gidala sa City Hospital.
Samtang ang suspetsado daling miikyas sa wala matinong direksyon.
Wala pa makahukom ang inahan kung pasakaan ba ug kaso ang anak nga midunggab sa kaugalingong igsuon.
