COVID-19 TF: Additional COVID-19 vaccine booster dose importante

36
Davao City – Giawhag sa Davao City Coronavirus Disease 2019 (COVID-19) Task Force (TF) ang Davaoeños nga magpabakuna ug magpa-booster.

Matud ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), importante ang pagbaton og booster dose paghatag og dugang proteksyon ilabi na sa bag-ong variant sa COVID-19 nga na-detect karon sa laing nasud diin ang latest mao ang Omicron XE.

Gisulti ni Schlosser, nga sama sa niaging COVID-19 variants, dili layo ang posibilidad nga muabot kini sa Pilipinas. Kini ang rason nga angay magbaton og dugang proteksyon ang katawhan diin lauman ang dugang dose sa vaccine booster.

“Just like any other vaccines, mga vaccine preventable diseases, naa gyud na siyay additional booster dose. Ang ato ganing flu vaccine, we do give our flu vaccine yearly. So, ang atoa lang, free man ‘ni siya. This is free of charge,” sulti ni Schlosser.

Padayong gihangyo sa health official ang kooperasyon sa publiko pinaagi sa pag-avail sa libreng serbisyo sa City Government of Davao ilabi na diha sa pagpabakuna.

RadyoMaN Kirby Manzon

Facebook Comments