Kalibo, Aklan — Nagnaba makaron nga dag-on rong crime volume ukon index crime suno kay PSUPT. Gilbert T. Gorero ro spokesperson it Police Regional Office (PRO) 6.
Base sa andang comparative statistics nga ko 2016 may una nga 2,918 ka crime incident rong narekord samtang ko 2017 hay may una eamang nga 941 kung sa siin nagnaba raya it 1,977 ukon 67.75%.
Samtang sa 8 focus crime ko 2016 naka record it 794 ka incidents ag ko 2017 hay may una 188 incidents ag nag naba man raya it 609 ukon 76.41%.
Ro 8 focus crime hay ginakaeakipan it mga masunod; Murder, Homicide, Physical Injuries, Robbery, Theft, Car napping, Motor napping ag Rape.
Sa pihak nga parte nag naba man rong firecrackers ag stray bullet incidents kung sa siin ko 2016 may una nga 20 incidents ag 15 injured samtang sa makaron hay under investigation pa kaeakip eon kara ro daywa nga ginasugid biktima it stray bullet iya sa probinsya it Aklan.
Raya suno kay Gorero nga pag naba it mga insidente hay paagi man sa bulig ag kooperasyon kung mga pumueoyo.
Naga salig man si Gorero nga maabot rong oras nga magiging zero firecrackers incident eon kita paagi sa hugot ag maid-id nga pagpadumdom sa sa mga pumueoyo.
