Davao City – Gi-proseso na sa City Transport and Traffic Management Office (CTTMO) ang pag-hire og laing 50 pa ka mga personahe aron tahasan sa dugang mga buluhaton diha sa kadalanan nga gisangun ngadto kanila.
Subay kini sa planong pagpatuman sa mga designated public pay parking zones dinhi sa syudad sa Davao nga magsugod sa January 2, 2020.
Sumala ni CTTMO Chief Dionisio Abude, hugot nga ipailawom sa napulo ka adlaw nga makuting pagbansay ang maong mga personahe kauban ang Davao City Treasurer’s Office (CTO).
Gisugilon ni Abude nga ang training pagseguro lamang nga walay pagpangotong nga mahitabo diha sa hut-ong sa ilang mga personahe.
Gikatakdang magsugod ang training karong December 2, 2019.
Kahinumdoman nga lakip sa pay parking zones coverage ang Ilustre, Pelayo, Iñigo, Villa-Abrille, Monteverde ug Vicente Duterte Streets, ning syudad.
RadyoMaN Jason Amisola
