Sa interview sa DXDC RMN Davao kang Alfredo Tamayo, Assistant Traffic Operation Officer sa CTTMO gibutyag niini, naghulat pa sila sa mando gikan sa City Government of Davao aron ipatuman kini.
Gipasabot ni Tamayo, dili pa dayon mapatuman kay adunay mga rekisitos ug ilisan ang mga signages sa speed limits sa dakbayan ug gikinahanglan ang dakong pundo sa gobyerno aron hingpit nga mapatuman.
Kahinumduman, napasar sa ikatulo ug katapusang pagbasa sa Davao City Council, ang bag-ong speed limits regulation diin tumong niini aron ma-address ang mga disgrasya sa kadalanan.
Giduso ni Davao City 1st District Councilor Atty. Luna Acosta ang maong ordinasa, kansang tumong mao ang pagbutang og klarong mekanismo ug regulasyon alang sa kaluwasan sa mga motorista ug sumasakay.
RadyoMaN Don Pulayao
