Gibutyag ni Civil Service Commission HR Specialist for Examinees Service Division Chief Evelyn Paraguirre nga tulo ka bus ang i-deploy sa kagamhanang lokal pinaagi sa City Transportation and Traffic Management Office aron maghakot sa liboan ka examinees sa civil service karong adlaw’ng Domingo.
Sumala ni Paraguirre, magkatag ang tulo ka bus sa designated areas palibot sa sentrong bahin sa dakbayan aron mahatud sa mga test centers ang mga examinees.
Una nang giawhag sa opisyal ang mga examinees ilabi na kadtong gikan sa lagyong dapit sa pagsayo og biyahe paingon sa syudad aron dili maipit sa lain nga 70.3 Iroman activity.
Gipahinumduman sab sa hepe ang mga examinees nga dili kalimtan sa pagdala og ilang kaugalingong itom nga ballpen, alcohol, tubig, ug uban pa.
Sa datos, ang examinees sa civil service examination karong tuiga mukabat sa kapin 19 mil ka buok diin kapin 17 mil mga professionals ug kapin libo sa sub-professionals.
RadyoMaN Joel Viray
