Davao City – Namatikdan ang daghang tinapok sa sinako-sakong basura sa atubangan mismo sa Department of Environment and Natural Resources (DENR) sa Davao City adlaw’ng Biyernes, June 5, 2026.
Kini human nga nagtakda ang lokal nga kagamhanan og dugang nga collection points, lakip ang maong lugar, aron ipakita ang gidaghanon sa basura nga natigom matag adlaw kon mapahunong ang mahinungdanong serbisyo.
Bisan pa niini, gipasiugda ni otoridad nga nagasunod ang syudad sa tanang gikinahanglan nga kondisyon ug naglaom nga ang mga desisyong makaapekto sa kapin 750 ka toneladang basura matag adlaw ug dul-an duha ka milyong Dabawenyo pagabasehan dili lamang sa regulasyon kondili usab sa praktikal nga kahimtang ug maayong paghukom.
Gani, gawas sa maong lugar aduna sab laing mga pundok sa mga basura nga naulanan ug nainitan sa lain-laing bahin sa syudad nga nagpaabot sa gitakdang pag-kolekta.
RadyoMaN Kareen Beltran
Facebook Comments
