Kalibo, Aklan — Natigayon nga maaresto kabii ro sangka dating tour guide sa ginpatigayon nga buy-bust operation sa Brgy. Andagao, Kalibo, Aklan nga gin patigayon it PDEA, PDEU ag Kalibo PNP.
Ro suspek nakilaea kay JR John Jundoc y Milloroso, 27-anyos, native it Dongon East, Numancia, Aklan dating tour guide sa Boracay ag presente nga naga istar sa Barangay Andagao .
Nahabueo sa posisyon ni Jundoc ro sangka plastic sachet it suspected shabu nga naga balor it Php2,000.00.
Samtang sa gin patigayon ng body search hay nabuoe pa gid kana ro lima ka mga sachet it suspected shabu.
Si Jundoc hay mabuhay eon man nga gina monitor it mga operatiba sa isla it Boracay ag Kalibo kung sa siin sambilog man ra imaw sa mga ginaturo ko mga naka transaksyon it kapulisan.
Magapangatubang it kasong pagbayolar sa RA 9165 ukon Comprehensive Dangerous Drugs Act of 2002 si Jundoc.
