Davao anti-scam unit pabor sa pag-require og ID sa socmed registration

40
Davao City – Walay pagsupak ang Davao City Anti-Scam Unit (ASU) sa Senate Bill No. 1289 o ang Online and Social Media Membership Accountability Act, usa ka sugyot balaodnon nga giduso ni Senador Jinggoy Estrada.

Sa interbyu sa DXDC RMN Davao kang Simplicio Sagarino, head sa Davao City ASU, gisaysay niini nga dako og tabang ang maong lakang aron malikayan ang pagbaton og anonymous accounts nga maoy sagad gamiton pinaagi sa pagpangilad.

“Sa akoa, okay mana kay para mahibaw-an nato kinsa nang mga nagabinoang gani sa social media. Dali ra pud na siya ma-trace. Mao nay sa positive side. Naa man goy uban nga nega kaayo ba kay basin daw og mahibaw-an ang ilang personal account,” saysay ni Sagarino.

Ilawom sa sugyot balaodnon, og mapasar, required na ang social media website operators nga pangayoan ang ang usa ka user og unsa mang government issued IDs. Pwede usab work or school ID ug bisan barangay certificates isip proof of identity.

Usa usab sa measures mao ang pagsigurong maprotektahan ang impormasyon sa user pinaagi sa Data Privacy Act.

RadyoMaN Kirby Manzon

Facebook Comments