Davao City – Giklaro karon ni Davao City First District Councilor Pilar Braga nga adunay igong mga kagamitan nga na-instalar diha sa mga quarantine and isolation facilities sa syudad sa Davao alang sa mga tawong gipailawom sa 14-day mandatory quarantine base usab sa deklarasyon ni Davao City Mayor Sara Duterte-Carpio.
Sumala ni Braga, naka-establisar og daghang mga isolation centers ang syudad nga gi-montar alang sa mga indibidwal nga nahiuli dinhi sa syudad gikan sa nagkadaiyang lugar kinsa gi-require nga mo-undergo og mandatory quarantine aron malikayan ang pagkuyanap sa COVID-19 karong panahona sa ilang komunidades.
Dugang saysay ni Braga nga hinoon, walay nadawat nga mulo o reklamo ang mayor kabahin sa posibleng dili maayo or bin ba kaha negatibong sitwasyon sulod sa nasangpit nga mga pasilidades.
RadyoMaN Bernard Pantallon
