Davao City – Gitay-og sa sunod-sunod nga linog ang pipila ka mga lugar sa rehiyon onse kaganihang kadlawon.
Sa record sa Philippine Institute of Volcanology and Seismology (PHIVOLCS-DOST), pipila sa natigayon nga linog mao sa Governor Generoso sa Davao Oriental nga adunay magnitude 2.4, gisundan sa Burgos, Surigao del Norte sa magnitude 4.1, samtang pinakakusog sa Malita, Davao Occidental nga adunay magnitude 5.5 epekto nga nakabati og pagtay-og usab alas 4:56 sa kadlawon dinhi sa downtown area sa Davao City.
Gani sa status sa Facebook fan page sa DXDC 621 RMN Davao, nagbaha ang comments ug shares bahin sa bagohay lang nga nahitabong linog.
Sa parehong comments nila ni Juliet Caoili ug Mel Lascano, nakasinati sila sa General Santos City nga susama sab ni Sheilla Noya nga taga Digos. Nabati usab kini ni Jhong Bogayong ug Mezol Monguez nga taga Compostela Valley Province, Yenyen Audan sa Manay, Davao Oriental, us sila si Bonitamiya Bonifacio ug Bhing Salera nga pulos taga-Tagum.
Samtang aduna usab nag-comment nga wala sila makabati sama ni Jemaris Fortuno sa Santa Cruz ug Mila Palma Gil sa Maa, Davao City.
Sa ekslusibong interview sa DXDC News Team kang Office of the Civil Defense (OCD-XI) Rehab and Recovery Section head Eiren Anlom, nagapadyon ang ilang pagmonitor sa nahitabong linog.
“So far wala tay nadawat from our provinces and DRRM (Disaster Risk Reduction Management) officers regarding any casualties or damages,” segun niini.
RadyoMaN Jason Amisola
