Davaoeños gipalikay sa pagdawat og biyahero gikan sa COVID-19 high-risk areas

54

Davao City – Nagpahimangno si Davao City Mayor Sara Duterte-Carpio sa publiko nga likayan ang pagdawat og mga biyahero gikan sa mga areas nga nagbaton og taas nga kaso sa Coronavirus Disease 2019 (COVID-19).

Matud sa Alkalde, mas maayong dili una mudawat og mga indibidwal gikan sa National Capital Region (NCR) Plus bubble ug sa Cebu City diin posibleng carrier ang nahisgutan sa maong balatian.

“Remind nato ang atong kaigsoonang Davaoeños nga ayaw gyud mo og dawat sa inyohang mga balay og mga nagabiyahe, especially sa kanang gikan sa NCR Plus nga area ug sa entire island of Cebu kay makita nato sa tibuok nasud, didto karon ang concentration sa pinakadaghan sa mga cases (sa COVID-19),” segun sa Mayor.


Gibutyag ni Mayor Sara nga kung aduna may indibidwal nga permanently returning residents sa syudad o kadtong mga wala naga sulod-gawas alang sa trabaho ug negosyo, kinahanglan mupailawom ang nahisgutan sa 14-day home quarantine.

Samtang, dili na usab kinahanglang mag 14-day quarantine ang mga Authorized Persons Outside of Residence (APOR) ug uban pang travelers nga naga pondo sa syudad alang sa trabaho, negosyo ug ubang essential activities, basta sila anaa sa hotel o susamang establisyemento.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments