Kalibo, Aklan – Daywa ka mga kaso it pagpamuno rong nagtuhaw sa banwa it Kalibo sa magkaseparar nga lugar.
Una nga kaso it pagpamuno nagtuhaw sa 7 Eleven ngas nahamtang sa Martelino St. Kalibo kabii kung sa siin ro biktima nakilaea kay Benjie Amaro, 19-anyos ag residente it Rizal St., ag nakaangkon it tama sa anang likod.
Sa imbestigasyon it Kalibo PNP nga samtang ro biktima naga inum-inum sa nasambit nga lugar kaibahan sanday Ramon Yael, 19-anyos it Purok 5 C. Laserna St., ag Gero Olano, 21-anyos ag residente man it Rizal St., hay gulpi kara nga ginpaeapitan it sangka grupo ag sambilog sa mga suspek nga uwa pa makilaea hay gulpi nga binuno ro biktima, ag matapos rong insidente hay madasig raya nga pumaeagyo.
Suno sa biktima nga makilaea eamang nana ro suspek kung makita it uman.
Samtang rong ikaywang insidente hay natabo sa Sitio Fatima, Brgy. Tigayon, Kalibo kaina it aga-aga.
Ro biktima nakilaea kay Roland Esteban, 28-anyos ag residente it Sitio Guba nga nakaangkon it tama sa waea nga alima.
Samtang rong suspek hay nakilaea kay Joren Sarandon, it Sitio San Roque sa nasambit nga barangay.
Sa imbestigasyon naga guwa nga samtang rayang biktima hay naga inum-inum sa baeay ni Rafael Recampo Jr., hay gulpi binuno it suspek.
Madasig man nga nagpaeagyo raya matapos ro insidente.
Dating away ro ginapanan-aw nga motibo.
