Batan, Aklan — Uwa eon it kabuhi tag makit-an ro sangka 18-anyos nga eaeaki matapos raya nga mag bigti sa Sitio Batuan, Brgy. Mandong, Batan, Aklan kahapon.
Ro biktima nakilaea kay Ramon Delgado y Aguirre, residente man it nasambit nga lugar.
Suno kay PO2 Pinky Delos Santos it Batan MPS, nga kahapon it agahon hay halin sa simbahan rong lola it biktima ag ana nga ginling-ling sa eogban ro biktima pero nakibot eamang raya tag makita nga naga bitay eon ag uwa eon it kabuhi.
Uwa man it nakita nga suicide note ro biktima ukon ano man nga text messages sa anang cellphone.
Pero nasayuran nga bago matabo rong insidente hay rayang biktima ag anang nanay hay nag-away ag raya rong ginapanan-aw nga nangin rason ko anang pagpakamatay.
Facebook Comments
