Daywa ka mga persona kulong matapos nga madakpan it baril

KALIBO, AKLAN — Kulong rong daywa ka mga persona matapos nga madakpan it baril kabii sa Mabini St., Kalibo, Aklan.
Ro mga suspek nakilaea nga sanday James Gascon, 29-anyos ag sangka 16-anyos nga binatilyo tanan taga Milibili Roxas City Capiz ag temporaryo nga nagadayon sa Brgy. New Buswang, Kalibo.
Sa report it Kalibo PNP nga nagapatigayon it Mobile Patrol rong grupo ni SPO2 Ronald Macario tag anda nga makit-an rong daywa ka mga persona sa lugar ag matsa may nakasukbit sa hawak ko 16-anyos.
Sa anda nga pagpangusisa, nabuoe sa 16-anyos rong sangka armscor .38 revolver nga uwa it serial number ag may tatlo ka live ammos.
Samtang nabuoe mat a kay Gascon ro 9 ka mga live ammos.
Detained sa Kalibo PNP rong mga suspek bangud nga uwa it maipakita nga nagakaigo nga papeles ag posible magapangatubang it kasong pagbayolar sa R.A. 10591.