Eaeaki binuno, patay

KALIBO, AKLAN — Dead on the spot rong sangka eaeaki matapos nga bun-on kabii ko anang kainuman sa Brgy. Vivo, Tangalan, Aklan.
Ro biktima nakilaea kay Nolly Trayco y Bautista, 27-anyos ag nakaangkon it fatal nga tama sa waea nga dughan, samtang rong suspek nakilaea kay Leonardo Masula y Basilio, ginasugid minor pero under verification pa it Tangalan PNP.
Sa pakikipag-angot it RMN DYKR Kalibo kay PO3 Peryl Antaran, imbestigador sa nasambit nga kaso nga basi sa andang inisyal nga imbestigasyon nga uwa man it kumosyon ag pagbais nga natabo sa daywa samtang sanda ra naga inum-inum, kundi nga ginpukaw eamang it suspek ro biktima ag sa ana nga pag bangon hay gulpi imaw binuno.
Madasig man nagpaeagyo ro suspek matapos rong krimen daea ro hinangiban nga anang gingamit.
Samtang ro bangkay it biktima hay uma makaron sa Rural Health Unit it banwang Tangalan ginapaidaeom sa post mortem examination.
Padayon man rong imbestigasyon it Tangalan PNP para masayuran gid kon ano rong motibo.