Kalibo, Aklan — Daywa ka mga wanted person rong nadakpan kahapon sa magkaseparar nga lugar ko mga katapo it kapulisan kahapon.
Una nga nadakpan ko mga katapo it Makato PNP si Milord Manglangit, 36-anyos ag residente it Brgy. Tugas, sa banwa it Makato.
Si Manglangit hay gin aresto pinaagi sa bisa kung warrant of arrest nga may criminal case # 2531-N sa kasong Reckless Imprudence Resulting to Serious Physical Injuries and Damage to Property nga gin issue ag gin permahan ni Hon. Judge Marie Vargas-Betita it MCTC Makato.
P 30,000 pesos rong pyansa nga gintaeana it korte para sa anang temporaryong kahilwayan.
Samtang, naaresto mat-a ko mga katapos it Madalag PNP si Renato Javier, 47-anyos ag residente it Brgy. Medina sa banwa it Madalag.
Gin aresto man si Javier pinaagi sa bisa kung warrant of arrest nga mga criminal case # 2617 sa kasong Attempted Homicide nga gin issue ag ginpermahan ni Hon. Judge Emmanuel Mationg it 2nd MCTC Banga-Libacao-Madalag.
P 12,000 pesos man ro gintaeana it korte nga pyansa para sa anang temporaryong kahilwayan.
Ro daywa ka mga wanted hay iga turn-over man sa korteng natungdan.
