DepEd, nakiisa sa Climate Change Commission para mapalakas ang climate literacy

46

Suportado ng Department of Education (DepEd) ang Climate Change Commission na palakasin ang climate literacy at suportahan ang pagtugon sa pabago-bago ng klima sa pamamagitan ng basic education curriculum upang turuan ang mga mag-aaral at personnel na may kaalaman sa klima.

Sa bisa ng Republic Act (RA) No. 9729 o Climate Change Act, ang DepEd Disaster Risk Reduction and Management Service ay pinapahalagahan ang climate education sa pamamagitan ng iba’t ibang programa, proyekto, at aktibidades na naaayon sa bagong K-12 curriculum.

Ayon sa DepEd, ang konsepto ng climate change ay nakapaloob na sa K-12 curriculum sa mga sumusunod na asignatura, kabilang ang
– Science
– Health
– Araling Panlipunan
– Edukasyon sa Pagpapakatao
– Mathematics
– English at Filipino
– Edukasyong Pantahanan at Pangkabuhayan and Technology and Livelihood Economics,
– at Music, Arts, at PE


Habang ang konsepto naman ng climate change ay pinagsama na sa K-12 curriculum, kung saan mayroong kailangang palakasin sa kasalukuyang curriculum upang makapantay sa paghahatid ng kaalaman.

Matatandaan na ang kagawaran ay nakatutok upang pag-aralan ang kaalaman na may kaugnayan sa Climate Change Education (CCE) at makipag-ugnayan sa iba’t ibang tanggapan at eksperto na kailangang maiangat ang kamalayan na naaayon sa multi-disciplinary climate change education.

Facebook Comments