Davao City- Kapin tulo ka semana human nga nahitabo ang pagkasunog sa NCCC Mall, pabilin gihapon hangtud karon ang dili masingo nga baho sa hangin nga masimhotan sa mga manakayay duol sa maong pasilidad ingon man sa mga residente nga nagapuyo haduol niini.
Usa ka concerned citizen giilang si alyas ‘Gwada’ miingon nga ang bahong aso gikan sa nasunog nga building iya pang masimhutan hangtud karon.
Gani, bisan pa man musakay lang kini sa jeep ug muagi duol sa mall, iyaha nang takluban ang iyang ilong gumikan sa sobra ka baho nga iyang masimhotan.
Matod ni Department of Health –XI Regional Director Abdullah Dumama, Jr. ang masimhutan nga aso sa mga tawo nga nakapuyo o muagi dinhi adunay dautang epekto sa panglawas sa tao.
“I think meron naman talaga (kahit na…) kasi pag may chemicals…materials that are not very suitable for inhalation, maka (daut) gyod na. We hope somehow merong environmental people to take care of that…But if there are health risks or health impact that requires DOH intervention, ready ho kami talaga,” segun sa regional health official.
RadyoMaN Abi Bibera
