Dol-an P250M nga damyos, naangkon sa Bukidnon sa milabayng bagyong odette

20

Miabot sa gibana-banang kantidad nga P247M ang naangkong damyos sa probinsya sa Bukidnon sa pagkuso-kuso sa Bagyong Odette.

Kini sumala sa report gikan sa Provincial Disaster Risk Reduction and Management Office (PDRRMO)-Bukidnon.

Labing naapektuhan sa maong bagyo ang matang sa agrikultura, imprastruktyur ug mga balay nga gipangtumba.


Gibana-banang mukabat sa P138M ang damyos sa imprastraktura sama sa tulay, dalan, kuryente, tubig, komunikasyon ug flood control. Kapin P85M usab ang gibana-banang damyos sa Agrikultura samtang kapin P22M ang damyos sa mga balay nga nangaguba.

Kapin 6 mil ka pamilya usab ang gipangbakwit sa maong higayon diin labing naapektuhan sa dakbayan sa Valencia sa dol-an 3 mil ka pamilya ang gipangbakwit, sa lungsod sa Malitbog sa dol-an 2 mil ka pamilya ug sa uban pa nga mga munisipyo.

Gipamahayag ni Israel Johan M. Damasco, Bukidnon Provincial Disaster Risk Reduction and Management (PDRRM)-Bukidnon Coordinator nga halosa sa mga pamilya gipailawom sa pre-emptive evacuation sa dihang nahimutang ang Bukidnon sa Orange Rain Fall Alert Level.



Mapasaligon usab ang probinsyal nga pangagamhanan sa Bukidnon sa katawhan nga dungan ang pagbangon sa tanan pinaagi sa pagtinabangay ug suporta ngadto sa matag-usa nga naapektuhan sa Bagyong Odette.

Facebook Comments