Kalibo, Aklan — Natigayon nga maaresto it mga operatiba kung Kalibo PNP, PDEU Aklan ag PDEA Aklan rong sangka driver sa ginpatigayon nga buy-bust operation sa Brgy. Estancia, Kalibo, Aklan.
Nakilaea rong suspek kay Jilson Lopez, 37-anyos, tubong Bacolod City ag presente eon nga naga istar iya sa probinsya it Aklan.
Nahabakean rong suspek it sangka mabahoe nga sachet it ginapatihan shabu kabaylo kung P8,000.00 nga buy bust money.
Suno kay PCol. Richard Mepania hepe it Kalibo PNP nga natigayon rong operation matapos nga mamonitor si Lopez nga nagasigi gihapon sa anang iligal nga transaction.
Nasayuran nga rayang suspek dati man nga na buy bust ko 2014 ag naka guwa ko Agosto 2018 pinaagi sa plea bargaining.
Gintinguha man it RMN DYKR Kalibo nga mabuoe ro side it suspek pero ana nga ginpamalibaran nga bukon it ana ro mga na recover kana ag suno kana nga ginsugo eamang imaw nga mag adto sa area dayon pag abot hay gindumog imaw it mga persona ag ginpusasan.
Uman nga magapangatubang it kasong pagbayolar sa RA 9165 ukon Comprehensive Dangerous Drugt Act of 2002 rong suspek ag indi eon uman maka avail pa it plea bargaining.
#TatakRMN
