📷: AKEAN Forum
Kalibo, Aklan — Apektado gid nga mayad ro mga drivers ag operators it van nga nagabiyahe Kalibo paadto it Caticlan vise versa matapos nga magbukas rong air to sea transport connection.
Raya rong ginpahayag ni Mr. Noemie Panado, presidente it KIATA sa pakikipag angot kana it RMN DYKR Kalibo sa programang Straight-to-the-Point.
Suno kana uwa eon sanda it magiging pasahero halin Kalibo International Airport paadto it Caticlan nga raya malang do andang ginasaligan.
Kunta suno kana nga kon may mga ginaplano nga programa rong gobyerno hay indi man pagkalipatan ro ibang sector nga ginapanan aw nga maapektuhan nga konsultahon.
Kon matandaan nga pormal eon nga nag operate rong sea to air transport connection sa Brgy. Pook, Kalibo nga magatanyag it mas madasig nga transportation.
Ro nasambit nga transport connection hay may 400 ka carrying capacity ag maga biyahe 6 nga beses kada adlaw.
