Drug den gi-ronda, lima ka mga suspek sa pagpayuhot sa illegal lnga droga, nadakpan

21
Malampusong nadakpan sa mga otoridad ang lima ka mga suspek sa pagpayuhot sa illegal nga droga human gi-ronda ang usa ka drug den gabie sa Domingo didto sa Purok-5, Landless, Barangay Patpat, Malaybalay City, Bukidnon.

Nakuha gikan sa mga suspek ang kapin kon kulang 12 gramos sa gituohang drogang shabu nga gibana-banang mukantidad og P81,600.00 diin gipang-ila ang mga suspetsado nga silang Rolando Lugmay, alyas Jhongjhong, drug den maintainer, Justin Chyrll Salido, Glen Ancero, Zoren Lindongan, ug si Jimmy Sabellina, pulos hingkod ang pangidaron, ug mulopyo ning probinsya.

Gitingkagul na sa bilangguan ang mga suspek nga nadakpan samtang ginaandam ang kaso sa paglapas sa RA 9165 kon Comprehensive Dangerous Drugs Act of 2002.

Facebook Comments