Davao City – Kasong paglapas sa Republic Act 9165 kun Comprehensive Dangerous Drugs Act of 2002 ang atubangon sa tulo ka indibidwal nga nadakpan human gironda ang usa ka drug den sa Barangay San Pedro, Panabo City, Davao del Norte alas 2:00 sa kaadlawon, Mayo 19, 2023.
Sa interbyu sa DXDC RMN Davao kang Noli Dimaandal, tigpamaba sa Philippine Drug Enforcement Agency (PDEA) -XI, naaresto si Norman Flores 34 anyos, residente sa lugar ug maoy target sa operasyon. Samtang dakpan usab ang duha ka drug den visitors nga sila Jaime Gesalan ug Christian Dominique Plaza.
Napalitan ang suspek og gituohang shabu nga mukantidad og P10,000. Anaa usab sa 13 ka pakete sa iligal nga droga ang nasakmit nga mutimbang og 12 gramos ug mukantidad og P81,600.
Padayon ang pag-awhag sa PDEA sa publiko nga gilayong ireport ang mga iligal nga aktibidad sa ilang komunidad aron kini gilayong maaksyonan.
RadyoMaN Kirby Manzon
Facebook Comments
