Malay, Aklan – Arestado rong sangka drug surrenderee matapos nga mabakean it illegal nga droga sa ginpatigayon nga buy-bust operation kaina it aga-aga sa Sitio Angol, Manocmanoc, Boracay.
Rong suspek nakilaea kay Leo Tolentino alyas “Nonoy”, 26-anyos ag residente it barangay Balabag sa nasambit nga isla.
Gin aresto si Tolentino it mga taga Malay PNP sa pagpanguna ni Police Lieutenant Rene Armenio matapos nga mabakean kung poseur buyer it sangka sachet it suspected shabu kabaylo it P 1,000.00 nga buy-bust money rong suspek.
Samtang sa ginpatigayon nga body search sa suspek narecover sa anang possession ag control ro 1,000 nga buy-bust money, daywa ka plastic sachet it suspected shabu ag Vivo cellphone nga may drug transactions.
Si Tolentino hay una eon sa kustodiya it Malay PNP ag magapangatubang it kasong pagbayolar sa R.A. 9165 ukon Comprehensive Dangerous Drug Act of 2002.
