CAUAYAN CITY – Nakiisa ang Department of Social Welfare and Development Field Office 2 (DSWD FO2) sa selebrasyon ng 2025 National Women’s Month.
Bilang bahagi nito, nagsagawa ng information session ang Kagawaran sa Cagayan Valley Medical Center.
Sa naturang session, natalakay ang iba’t ibang batas tulad ng Republic Act 11596 o Prohibition of Child Marriage Law at RA 11313 or Bawal Bastos Law.
Bukod dito, naibahagi rin ang programang Wireless Mental Health and Psychosocial Support (WiSUPPORT) Program, isang digital platform na magbibigay ng mental health at psychosocial support sa mga indibidwal na nangangailangan nito.
Kaugnay nito, ang WiSUPPORT ay naglalayong maging accessible ang mental health services lalo na sa mga kababaihang nakakaranas ng pang-aabuso, karahasan, at disaster-related trauma.
