Kalibo,Aklan – Nagtao it dugang nga padumdom ro Provincial Health Office PHO-Aklan sa mga Aklanon kon paalin malikawan ro dengue fever.
Samakaron suno kay Dr. Cornelio Cuachon Jr. Provincial Health Officer 1, owa pa it nadiskubreng bueong para sa dengue pero sa tempranong deteksiyon kara masalbar ro kabuhi it pasyente.
Ngani suno kana, kinahangean it mga pumueuyo nga tandaan ag obrahon ro dugang nga padumdom para malikawan ro dengue, raya hay ro paglimpiyo it bungbungan ag sagilong it mga panimaeay, islan ro tubi it mga florera bisan sang beses sa sueod it sang Dominggo, pakoebon ro mga bueotangan it tubi nga owa ginagamita, magbanyos it mosquito repellant ag magsuksok it mahabang saewae ag eambong nga may mahaba’t butkon kamana man magpakonsulta sa pinakamaeapit nga health centers kon ro eagnat hay umabot eon it 2 adlaw.
