Dugang seguridad sa Tagum City, giplanohan na sa lokal nga panggamhanan

Davao City – Nagpulong na ang Davao del Norte Police Provincial Office, Armed Forces of the Philippines (AFP) , National Bureau of Investigation (NBI), Tagum Traffic Management Office, Civil Security Unit, Tagum City PNP ug lokal nga panggamhanan aron hisgotan ang aksyon nga pagahimuon human sa sagunson nga krimen sa lungsod.

Sa report ni Vice Governor Oyo Uy, gitapok ang Public Safety and Security Joint Task Group alang sa diskusyon ug pag-implementa sa mga lakang aron sa dugang ug mas hugot na seguridad sa komunidad.

Lakip na niini ang pagpatuman og NO PLATE, NO TRAVEL POLICY tungod naobserbahan nga sagad mga tulisan walay plaka, pagmuntar pa og dugang checkpoints ug outposts nga ipahimutang sa Brgy. La Filipina, Brgy. Pagsabangan, Brgy. Apokon ug sa Kilometer 48 sa Brgy. Madaum.

Gani, nadesisyonan usab ang pag-augment og dugang kasundalohan aron mas daghan pa ang magbantay sa kahapsay ug kalinaw.

Gihangyo sab sa panggamhanan ang mga kapitan nga magdugang og Barangay Peacekeeping Action Team (BPAT).

Giawhag ang katawhan nga kung adunay mga angayang i-report o mga kabalaka, mamahimong mukontak sa Tagum City PNP hotline, sa numerong 0919-748-5024.