*North Cotabato— Dakpan pinaagi sa search warrant operation sa PDEA 12 ang duha ka mga personahe uban ang Pikit Municipal Police Station ug 7th Infantry Battalion.*
*Sumala kang Kath Abad, tigpamaba sa PDEA 12 nga unang gisulod ang panimalay ni Baljunaid Ali, 40 anyos nga residente sa Brgy. Fort pikit.*
*Kung asa nakuha sa iyahang panimalay ang upat ka sachet sa gituuhang shabu.*
*Dugang pamahayag ni Abad nga lakip usab sa target sa operasyon ang magsuong Richard ug Danny Calungsod, apan nakasibat matud pa si Richard dihang nakit-an ang presensya sa operatiba.*
*Nakuha gikan sa ilahang panimalay ang lima ka sachet sa gituuhang shabu. Kung asa gikumpirma ni Abad nga miyembro sa managlahing drug group silang Ali ug ang magsuong Calungsod.*
*Sa karon balhog na sa lock up cell sa Pikit PNP silang Baljunaid Ali ug Danny Calungsod ug ginahikay na ang kasong pagsupak sec. 11 sa R.A 9165.*