Davao City – Malampusong nasikop sa kapulisan sa Buhangin ang duha drug personality human nakuhaan og mga illegal nga droga atol sa gikasang buy bust operation alas 2:55 sa hapon September 14,2024, sa 4th Avenue, Dela Peña Village, Brgy. Cabantian, Davao City.
Sa report gikan sa Buhangin Police Station (PS5) giila ang mga dinakpan nga sila alyas “Greg” ug alyas “Raymond” parehong hingkod ang edad ug residente sa nasampit nga lugar.
Narekober sa mga awtoridad gikan sa mga suspect ang managlahing gidak-on sa sachet nga gituohan shabu nga mokantidad og Php 75,140.00 (Standard drug price). Lakip nakumpiska ang buy bust money ug mga drug paraphernalia.
Ang mga dinakpan priso na sa Buhangin Police Station ug giandam na ang kasong paglapas sa Republic Act 9165 kun Comprehensive Dangerous of Drugs Act of 2002 batok sa duha ka suspetsado.
RadyoMaN Don Pulayao
Facebook Comments
