*General Santos City— Dakong pabor ang duha ka mga konsehal sa ginaduso nga mandatory drug test sa han-ay sa kapulisan hilabina nga nagapahigayon usab sila ug operasyon batok illegal nga droga.*
*Sumala kang Gensan City Councilor Jeng Gacal nga subay sa iyahang mga nadunggan dili gyud malikayan nga makagamit ug illegal nga droga ang kapulisan hilabina ang mga anaa sa intelligence alang sa case build up kung asa makonsidera niyang biktima ang mga pulis gumikan ilaha usab ginasakripisyo ang ilahang kaugalingon.*
*Samtang gibutyag ni Gensan City Councilor Jose Edamar Yumang nga uyon siya nga ipa-ilalom sa mandatory drug test ang kapulisan sama sa ginahimo sa PDEA ug dili lang random drug test.*
*Isip chairman matud pa sa Committee On Peace And Order, nagsugyot na siya ug budget para sa mandatory drug test sa tanang emepleyado sa gobyerno. Tumong niini aron nga masigurong walay taga-gobyerno sa gensan ang nagagamitan ug llegal nga droga.*
