Davao del Norte – Sikop sa Tagum City PNP ang duha ka suspek sa managlahing insidente sa pangdunggab nga nahitabo sa Barangay Mankilam ug Barangay Apokon niadtong Agosto 1.
Ang usa ka insidente miresulta sa kamatayon sa biktima, samtang ang usa usab ka biktima padayon nga gitambalan sa ospital.
Sa unang kaso, namatay ang 40 anyos nga biktima human madunggaban sulod sa iyang balay sa Purok Tadina, Barangay Mankilam. Pinaagi sa hot pursuit operation, nadakpan sa kapulisan ang 36 anyos nga suspek alas 2:45 sa kaadlawon sa Agosto 2 sa maong barangay.
Sa ikaduhang insidente sa RTU Village, Barangay Apokon, usa ka 47 anyos nga suspek ang giingong midunggab sa 42 anyos nga biktima human sa komprontasyon nga may kalabutan sa ilang karaang panaglalis. Ang biktima gidala dayon sa Davao Regional Medical Center alang sa pagtambal, samtang ang suspek nasikop sa mga kapulisan kinsa paspas nga nagpahigayon og hot pursuit operation.
Matud pa sa Tagum City Police Station, giandam na ang mga dokumento alang sa pagpasaka sa angay nga kasong kriminal batok sa duha ka nadakpang suspek. Padayon usab ang imbestigasyon aron hingpit nga masuta ang mga panghitabo.
Gipasalig sa Tagum City Police Station nga ipadayon ang lig-on nga kampanya batok sa krimen aron mapanalipdan ang kalinaw ug seguridad sa komunidad.
RadyoMaN Kareen Beltran
Ang usa ka insidente miresulta sa kamatayon sa biktima, samtang ang usa usab ka biktima padayon nga gitambalan sa ospital.
Sa unang kaso, namatay ang 40 anyos nga biktima human madunggaban sulod sa iyang balay sa Purok Tadina, Barangay Mankilam. Pinaagi sa hot pursuit operation, nadakpan sa kapulisan ang 36 anyos nga suspek alas 2:45 sa kaadlawon sa Agosto 2 sa maong barangay.
Sa ikaduhang insidente sa RTU Village, Barangay Apokon, usa ka 47 anyos nga suspek ang giingong midunggab sa 42 anyos nga biktima human sa komprontasyon nga may kalabutan sa ilang karaang panaglalis. Ang biktima gidala dayon sa Davao Regional Medical Center alang sa pagtambal, samtang ang suspek nasikop sa mga kapulisan kinsa paspas nga nagpahigayon og hot pursuit operation.
Matud pa sa Tagum City Police Station, giandam na ang mga dokumento alang sa pagpasaka sa angay nga kasong kriminal batok sa duha ka nadakpang suspek. Padayon usab ang imbestigasyon aron hingpit nga masuta ang mga panghitabo.
Gipasalig sa Tagum City Police Station nga ipadayon ang lig-on nga kampanya batok sa krimen aron mapanalipdan ang kalinaw ug seguridad sa komunidad.
RadyoMaN Kareen Beltran
Facebook Comments
