Ipil, Zamboanga Sibugay – Nanumpa atubangan sa labaw sa armadong kusog sa nasud ang dul-an 80 ka mga kanhing sakop sa rebeldeng New People’s Army (NPA) atol sa gipahigayon nga Western Mindanao FRs Summit and Acceptance of Former Rebels didto sa 102nd Infantry Brigade, Philippine Army nga nakabase sa Ipil, Zamboanga Sibugay.
Sadya nga gidawat ni Lt. Gen. Cirilito Sobejana, Commanding General sa Philippine Army (PA) ang mga nisurrender nga mga rebelde dala ang pipila ka mga tag-as nga matang sa armas.
Sumala ni Lt. Gen. Sobejana epekto kini sa hiniusa ug kusgnon nga kamada sa Regional Task Force to End Local Communist Armed Conflict (RTF-ELCAC) aron pag-agda mga rebelde nga mobalik sa sabakan sa gobyerno.
Gibatbat sa heneral ang madawat nga benepisyo sa mga kanhing rebeldeng nga naglangkob sa programa nga pabahay, panginabuhian ug uban pang social program aron mamahimo sila nga produktibong sakop sa komunidad.
Pipila usab sa mga FRs ang posibleng mamahimo nga sundalo kun kini motakdo sa kwalipikasyon apan pipila magsilbi nga instrumento alang sa programang pangkalinaw aron pagbuntog sa mga kaaway dili pinaagi sa armas kundili pinaagi sa ilang mga testemonya, gidugang ni Sobejana.
Giisip usab sa National Intelligence Coordinating Agency kun NICA nga dakong kadaugan ang paghatan sa mga kanhing rebeldeng ug timaan kini nga tukma ang tubag ug kapasidad sa gobyerno pag-alima mga nabiktima sa sayup nga edolohiya.
Sumala ni Ariel Perlado, director sa NICA -IX nalipay sila pag-ayo nag nabati sa mga kanhing rebelede ang kaayo sa gobyerno ug nabalik ang ilang pagsalig.
