Boracay, Island – Arestado it mga kapulisan rong sangka eaeaki matapos nga madakpan it baril ag siyaw kahapon sa Sitio Malabunot, Brgy. Manocmanoc, Boracay.
Rong suspek nakilaea kay Don Visca Salvador, 35-anyos, native it Sta. Fe, Romblon ag temporary nga naga istar sa isla.
Sa report it Boracay Tourist Assistance Center (BTAC) nagpangayo it police assistance ro pila ka mga kaeapit it suspek sa COMPAC 1 Sub Station matapos nga magpakita it baril rong suspek.
Insigida man nga nag responde rong mga kapulisan kaibahan rong mga Brgy. Tanod sa area kung sa siin naabutan rong suspek nga naga inum sa guwa it andang baeay ag may baril sa hawak.
Kat mapan uhan kara ro mga kapulisan hay insigida nga ginpilak it suspek rong baril nga ko ulihi na identify rob aril nga sangka Smith and Wesson 357 Magnum Revolver nga mag 6 ka mga bala.
Bnagud kara, gin usisa it mga kapulisan nga kon may nagakaigo nga papeles rong suspek para maghupot it baril ugaling uwa gid raya it maipakita.
Mag eowas sa baril hay nahabue-an pa gid raya it siyaw.
Magapangatubang it kasong pagbayolar sa R.A. 10591 ukon Comprehensive Law on Firearms and Ammunition ag Batas Pambansa Numero 6.
