Banga, Aklan – Natigayon nga maaresto it mga operatiba rong sangka eaeaki matapos nga ginpaidaeom sa buy-bust operation kaina ngarang hapon sa Brgy. Bacan, Banga, Aklan.
Ro subject nakilaea kay Louis Bryan Jaranilla Salem, 35-anyos ag residente it Brgy. Taba-ao sa nasambit nga banwa.
Nabuoe kay Salem ro 5 ka transparent plastic sachet it suspected shabu ag P 10,000.00 nga buy-bust ag boodle money.
Samtang sa body search may nabuoe pa nga kwarta nga nagabalor it more or less P 2,760.00.
Base sa pamilya it biktima hay bukon man it drug surrenderee ag first time raya nga natabo.
Si Salem hay pagadaehon sa syudad it Iloilo para sa drug test ag laboratory test ro mga na recover kana.
Magapangatubang it kasong pagbayolar sa R.A. 9165 si Salem.
Ginpatigayon rong nasambit nga operation ko mga katapo it Banga PNP, Aklan PDEU ag PDEA-Aklan.
