Nabas, Aklan — Nakaangkon it lastro sa abaga ag tiyan rong sangka eaeaki matapos nga bunaean ag bun-on it bote kaina it aga-aga sa Brgy. Nagustan, Nabas, Aklan.
Nakilaea rong biktima kay Gero Valdez, 23-anyos ag residente it Brgy. Laserna (proper) samtang rong suspek hay nakilaea man kay Jerome Suan, sa legal nga edad ad residente man it Sito Kutol, Laserna, Nabas.
Suno kay PO2 Melvin Alba it Nabas MPS, naga guwa sa andang imbestigasyon nga rayang biktima hay nag adto sa Brgy. Nagustan para mag pamaylehan ag samtang nga nagapamaktason imaw pauli hay gulpi eamang ra nga binunaean it bote ko suspek sa waea nga abaga, pagkatapos hay ginbuno pa gid dayon imaw it pusa sa bote sa tiyan.
Insigida nga gindaea rong bitkima sa Ibajay District Hospital pero gin refer daya sa Aklan Provincial Hospital para sa nagakaigo nga pagbueong.
Matapos rong insidente hay madasig nga nagpaeagyo rong suspek ag nagapabilin nga at-large.
Dating bagina ro ginapanan-aw it Nabas PNP nga motibo sa nasambit nga insidente.
