Kalibo, Aklan — Arestado it mga kapulisan si Edito Nadate, sa legal nga edad ag residente it Old Buswang, Kalibo, matapos nga bunaean it baril ro anang kainuman kabii sa nasambit nga barangay. Sa imbestigasyon it Kalibo PNP naga guwa nga naga inuman ro suspek ag ro anang kaibahan nga si Jimmy Ortega tag may nagpatunga nga mainitang diskusyon sa daywa dahilan para gumabot it baril ro suspek ag binunean si Ortega sa ueo. Eagi man nga nagresponde ro kapulisan sa lugar matapos makabaton it impormasyon angot sa nasambit nga kinagamo. Narekober sa posisyon ni Nadate ro sangka kalibre 38 nga revolver nga may 4 ka mga bala. Si Nadate hay kulong sa lock up cell it Kalibo PNP ag magapangatubang it kasong pagbayolar sa RA 10591 o Comprehensive Firearms and Ammunitions Regulation Act in connection with BP 881 o Omnibus Election Code ukon COMELEC Gun Ban.
Facebook Comments
